...

Azərbaycan və İran arasında su elektrik stansiyalarının birgə istifadəsi ilə bağlı müzakirələr aparılıb

Siyasət Materials 20 Fevral 2013 13:15
İran və Azərbaycanın işçi qrupları "Xudafərin" və "Qız qalası" su bəndlərinin istifadəsi ilə bağlı texniki və hüquqi məsələləri müzakirə ediblər. Bunu Trend-ə İranın Azərbaycandakı səfirliyinin mətbuat xidmətinin rəhbəri Məhəmməd Ayətullahi bildirib.
Azərbaycan və İran arasında su elektrik stansiyalarının birgə istifadəsi ilə bağlı müzakirələr aparılıb

Trend-i buradan izləyin

Azərbaycan, Bakı, 20 fevral /Trend, müxbir T.Cəfərov/

İran və Azərbaycanın işçi qrupları "Xudafərin" və "Qız qalası" su bəndlərinin istifadəsi ilə bağlı texniki və hüquqi məsələləri müzakirə ediblər. Bunu Trend-ə İranın Azərbaycandakı səfirliyinin mətbuat xidmətinin rəhbəri Məhəmməd Ayətullahi bildirib.

Ayətullahi deyib ki, fevralın 16-18-də Təbrizdə iki ölkənin nümayəndələri arasında "Xudafərin" və "Qız qalası" su bəndlərinin necə istifadə olunacağı ilə bağlı imzalanacaq sazişin hüquqi və texniki məsələlərinin müzakirəsi çox müsbət ab-havada keçirilib.

Onun sözlərinə görə, tərəflər razılaşıb ki, yaxın aylar ərzində müzakirələri təkmilləşdirmək üçün yenidən görüşsünlər.

"Xudafərin" su bəndi İranla Azərbaycan arasında imzalanmış razılaşmaya uyğun olaraq inşa edilir. Bu su bəndinin kənarında 100 meqavat gücə malik elektrik stansiyası inşa edilir. "Qız qalası" su bəndi "Xudafərin" su bəndindən 10 km aşağıda yardımçı bənd kimi tikilir.

"İki ölkənin işçi qrupları arasında müzakirələr çox müsbət ab-havada keçirildi. Hər iki ölkənin Xarici İşlər nazirliklərinin hüquqi məsələlərlə bağlı bölməsi iclasa rəhbərlik edirdi. Sərhəd Qoşunları, Ekologiya və Energetika nazirliklərindəndə də nümayəndələr iştirak edirdilər", - İranın Energetika Nazirliyinin Sərhədyanı zonalarda yerləşən çaylar və su hövzələri idarəsinin baş direktoru Cabbar Vətənfəda Trend-in İran və Azərbaycan işçi qruplarının iclası ilə bağlı sualına cavab olaraq deyib.

Vətənfədanın sözlərinə görə, iclasda "Xudafərin" və "Qız qalası" su elektrik stansiyalarının tikintisinin davamı və necə istifadəsi haqqında sazişin imzalanması, müştərək investisiyaların yatırılması və digər texniki və hüquqi məsələlər müzakirə edildi.

O, əlavə edib ki, bundan başqa, iclas çərçivəsində "Ordubad" və "Marazat" su bəndi və su elektrik stansiyalarının tikilməsi və Culfa (Azərbaycan)-Culfa (İran) körpüsünün birləşdirilməsi ilə bağlı müzakirələr aparılıb.

Vətənfəda növbəti iclasının vaxtının hələlik dəqiqləşmədiyini, lakin Bakıda keçiriləcəyini deyib.

Məqalədə:
Xəbər lenti

Xəbər lenti