Azərbaycan, Bakı, 1 may /Trend, müxbirlər E.Tariverdiyeva, F.Kərimov/
İran və Türkiyə arasında münasibətlər strateji xarakter daşıyır. Trend İRİB telekanalının saytına istinadən məlumat verir ki, bu barədə çərşənbə günü İran XİN-in nümayəndəsi Ramin Mehmanpərəst bildirib.
"İkitərəfli münasibətlərin inkişafı regionda təhlükəsizliyin və əməkdaşlığın saxlanılmasına zəmanət verəcək", - o deyib.
Regionda, xüsusilə Suriya və Bəhreyndə baş verən hadisələrdən danışan iranlı məmur bildirib ki, suriyalılar öz taleyini müstəqil şəkildə müəyyən etməlidirlər və İran onların seçimini dəstəkləyir.