Azərbaycan, Bakı, 28 sentyabr /Trend, müxbir M.Əliyev/
Azərbaycanda keçiriləcək prezident seçkiləri ilə bağlı bu gündən Milli Məclisin mətbəəsində bülletenlərin çap prosesinə start verilib.
Trend-in məlumatına görə, bununla bağlı şənbə günü Mərkəzi Seçki Komissiyasının (MSK) sədri Məzahir Pənahovun rəhbərliyi ilə mətbəəyə baxış keçirilib.
M.Pənahov jurnalistlərə bildirib ki, ümumiyyətlə, 5 milyon 149 min 255 ədəd bülleten çap olunacaq. Çap olunmuş bülletenlər dairə seçki komissiyalarına sentyabrın 30-da təhvil veriləcək.
Bülletenlərin çap olunma prosesinə nəzarət üçün beynəlxalq müşahidəçilər də dəvət olunub.
Ümumi çap prosesinə nəzarət Xüsusi Dövlət Mühafizə Xidməti tərəfindən aparılacaq.
Qeyd edək ki, Azərbaycanda prezident seçkisi oktyabrın 9-da keçiriləcək.