Azərbaycan, Bakı, 3 mart / Trend, müxbir S.Əhmədova/
Bugün İsveçrənin ATƏT-də sədrliyi Ukraynadakı böhrana dair xüsusi iclas keçirir. Bu barədə Trend ATƏT-in rəsmi saytına istinadən xəbər verib.
İsveçrə Konfederasiyasının xarici işlər naziri, ATƏT-in fəaliyyətdə olan sədri Didye Burkhalterin Ukrayna üzrə şəxsi nümayəndəsi Tim Quldiman Vyanada keçirilən görüşdə üzv ölkələrin nümayəndələri və ATƏT rəsmiləri ilə təşkilatın Ukraynaya bu məsələdə ən yaxşı şəkildə necə dəstək ola biləcəyini müzakirə edəcək.
İclasda ATƏT-ə üzv olan 57 ölkənin nümayəndələri, ATƏT institutlarının rəhbərləri və təşkilatın baş katibi Lamberto Zannierin iştirakı gözlənilir.