...

Elşad İskəndərov: Ermənistanın nifrət ideologiyası nüvə şantajı qədər təhlükəlidir (FOTO)

Siyasət Materials 25 May 2016 20:52 (UTC +04:00)
Ermənistanın nifrət ideologiyası nüvə şantajı qədər təhlükəlidir.
Elşad İskəndərov: Ermənistanın nifrət ideologiyası nüvə şantajı qədər təhlükəlidir (FOTO)

Bakı. Trend:

Ermənistanın nifrət ideologiyası nüvə şantajı qədər təhlükəlidir. İslam Konfransı Gənclər Forumundan (İKGF) Trend-ə verilən məlumata görə, bu sözləri ötən gün Türkiyənin paytaxtı İstanbul şəhərində BMT-nin himayəsi altında keçirilən Dünya Humanitar Sammitinin "Post-münaqişə zonalarında təhsil" mövzulu iclasında çıxış edən İKGF sədri Elşad İskəndərov bildirib.

İclasda, eyni zamanda ISESCO və İKGF-ni təmsil edərək çıxış edən E.İskəndərov bildirib ki, hazırda UNESCO tərəfindən 42 ölkə silahlı münaqişə zonası kimi tanınıb. O, beynəlxalq ictimaiyyətin bu ölkələrdə yalnız gündəlik tələbat yardımları deyil, münaqişədən əziyyət çəkən gənclərin təhsil haqqının təmin olunması üçün də səylər göstərməsinin vacibliyini vurğulayıb.

O qeyd edib ki, BMT, UNESCO və rasizmə qarşı fəaliyyət göstərən digər beynəlxalq qurumlar münaqişə tərəflərinin yeni nəslə qarşı yönəlmiş irqi nifrət və insanlığa zidd təbliğatının qarşısının alınması üçün mövcud beynəlxalq mexanizmləri işə salmalıdır.

E.İskəndərov bildirmişdir ki, Ermənistan rejimi kütləvi qırğın silahını istifadə edəcəyi bəyanatlarını verirsə, bunun səbəbini həmin ölkədəki rejimin insanlığa qarşı nifrət ideologiyası üzərində qurulmasında axtarmaq lazımdır. Bu gün Ermənistanın təhsil müəssisələrindəki təbliğatında yeni nəslin zehni yalnız antiazərbaycan, antitürk düşmənçiliyi ilə deyil, həmçinin irqçi və islamofob tezislər üzərində qurulmuş təbliğatla da doldurulur: "Tarixə baxsag görərik ki, Hitlerin yəhudilərə, Akayesunun tutsi xalqına, Miloşeviçin Srebrenisa sakinlərinə və indiki Ermənistan prezidenti Sarkisyanın Xocalıdakı dinc azərbaycanlılara qarşı törətdiyi soyqırımların arxasında eyni bənzər ideoloji xətlər dayanıb.

E.İskəndərov belə nifrət ideologiyalarının erkən tanınması və aşkarlanaraq onlara qarşı fəaliyyətə keçilməsi istiqamətində beynəlxalq mexanizmin yaradılmasını təklif edib.

Məqalədə:
Xəbər lenti

Xəbər lenti