Bakı. Samir Əli - Trend:
NASA-nın layihəsində Azərbaycan sərhədlərinin təhrif olunması ilə bağlı etiraz məktubu göndəriləcək.
Trend-in məlumatına görə, bunu Xarici İşlər Nazirliyinin (XİN) mətbuat xidmətinin rəhbəri Leyla Abdullayeva NASA-nın layihəsində Azərbaycanın dövlət sərhədlərinin təhrif olunması məsələsinə münasibət bildirərkən deyib.
"Biz belə hallarda təmasa keçirik və etirazımızı bildiririk, təhrif olunmuş hallar aradan qaldırılır. Bu halla bağlı ABŞ-dakı səfirliyimiz tərəfindən aidiyyəti etiraz məktubunun göndərilməsi nəzərdə tutulub".