...

ABŞ BƏƏ və Səudiyyə Ərəbistanına silah satışını dayandırır

Siyasət Materials 28 Yanvar 2021 06:21 (UTC +04:00)
ABŞ BƏƏ və Səudiyyə Ərəbistanına silah satışını dayandırır

Bakı. Trend:

ABŞ Prezidenti Cozef Baydenin administrasiaysı Birləşmiş Ərəb Əmirliklərinə (BƏƏ) və Səudiyyə Ərəbistanına silah satışına müvəqqəti qadağa tətbiq etdi.

Trend-in TASS-a istinadən verdiyi məlumata görə, bu barədə Vaşiqtonun hakim dairələrindəki mənbələrə istinadən "Wall Street Journal" qazeti xəbər verir.

Nəşrin mənbələrinə görə, Baydenin köməkçiləri əvvəlki ABŞ prezidenti Donald Trampın dövründə təsdiqlənmiş milyardlarla dollarlıq silah əməliyyatların qiymətləndirilməsini aparirlar. Xüsusilə, yüksək dəqiqlikli döyüş sursatlarının və beşinci nəsil F-35 qırıcılarının BƏƏ-yə və Səudiyyə Ərəbistanına satışı ilə bağlı məsələlər nəzərdən keçirilir. Qəzetin qeyd etdiyi kimi, Vaşinqton göstərilən silahları Əbu Dabiyə verməyi İsrail və BƏƏ arasında ikitərəfli münasibətlərin tamamilə normallaşdırılmasına dair razılaşmanın əldə edilməsi ilə əlaqədar razı olub.

Qəzet mənbələri yeni rəhbərliyin əvvəllər bağlanmış silah sövdələşmələrini qiymətləndirmə praktikasının "qeyri-adi bir şey olmadığını" qeyd edir. Nəşrə görə, "təxirə salınmasına baxmayaraq bir çox əməliyyatın başa çatacağı ehtimal olunur."

Vaşinqtonun sözügedən silahların Yəməndə istifadə olunmayacağına əmin olmaq istədiyi vurğulanır.

Məqalədə:
Xəbər lenti

Xəbər lenti