Bakı. Trend:
ABŞ Rusiya Prezidenti Vladimir Putinin Rusiya Xarici İşlər Nazirliyinin (XİN) kollegiyasının genişləndirilmiş iclasında səsləndirdiyi bəyanatları dəstəkləyir.
Trend xəbər verir ki, bunu Ağ Evin mətbuat katibi Cen Psaki növbəti brifinqdə deyib.
Vaşinqton, xüsusilə, Rusiya liderinin bir çox mövcud fikir ayrılıqlarını həll etmək üçün iki ölkə arasında dialoqu davam etdirməli olduğu barədə sözləri ilə razılaşır. Psaki onu da vurğulayıb ki, Ağ Ev Rusiya liderinin Donbassdakı münaqişənin Minsk razılaşmaları vasitəsilə sülh yolu ilə həllinə dair bəyanatını alqışlayır.