Bakı. Trend:
Uzun illər ərzində Qarabağ və Şərqi Zəngəzurun vaxtılə işğal olunmuş ərazilərinə separatçı rejimin, erməni diasporunun və Ermənistan dövlətinin dəstəyi ilə qanunsuz turizm fəaliyyəti təşkil edilib. Bu prosesə əsasən Ermənistan vətəndaşları və müxtəlif ölkələrin vətəndaşlığına malik olan xaricdə yaşayan erməni diaspor nümayəndələri cəlb edilsə də, xarici vətəndaşların o cümlədən ermənipərəst siyasətçilərin də gəlişi müşahidə olunub.
Ermənipərəst ABŞ Konqresmeni Frank Pallonun Xankəndiyə
qanunsuz səfəri, 1 oktyabr 2019-cu il
II Qarabağ Müharibəsindən sonra separatçı rejim və dəstəkçiləri Qarabağ ərazilərinə qanunsuz səfərlərin təşkili davam etdirməyə cəhd göstərsələr də, bu kimi fəaliyyətlər artıq tarixə qovuşub.
Buna baxmayaraq, informasiya dövrünün diplomatiyasının “post-truth” (həqiqət sonrası) çağında ermənilərin rəqəmsal dünyada “Artsakh” mövhumunu yaşatmaq, virtual varlığını təmin etmək cəhdləri tükənmir.
Son illərdə aidiyyatı dövlət orqanları tərəfindən işğaldan azad edilən ərazilərdə separatçılar tərəfindən dəyişdirilən yaşayış məntəqələrinin adlarının elektron xəritələrdə əsli ilə dəyişdirilməsi və digər bu qəbildən olan addımlar atılıb. Turizm sahəsində də analoji fəaliyyətin aparılması istisna edilmir. Lakin hələ də bəzi tanınmış elektron platformalarda turizm məqsədi ilə Qarabağ ərazilərindəki restoran və yaşayış məntəqələri qeyd olunmağa, satışı aparılmağa davam edir.
Hazırda məşhur Airbnb platformasında Xankəndi və ətraf ərazilərdən turizm məqsədli yaşayış məntəqələri (mənzillər) tapmaq mümkündür və hazırda adıçəkilən platforma tərəfindən bu məkanların turistlər üçün satışı hələ də davam etdirilir.
Airbnb platfomasında satışı davam etdirilən
mənzil
Airbnb platfomasında satışı davam etdirilən digər
mənzil
Analoji vəziyyət dünyanın digər tanınmış onlayn səyahət platforması
hesab edilən Tripadvisor-da da müşahidə edilməkədir. Saytda
Qarabağdakı yaşayış məntəqələrinin vaxtıkən erməniləşdirilmiş
adları ilə axtarış apararkən onlarla müxtəlif iaşə obyektləri və
məkanlar üzə çıxır.
Tripadvisor platformasında hazırda fəaliyyətini davam
etdirdiyi qeyd olunan restoran
Tripadvisor platformasında Qarabağ ərazilərində
turistlər üçün nümayiş etdirilən qrup turu
Tripadvisor platformasında nümayişi davam etdirilən
hotellərdən biri
Həm Airbnb həm də Tripadvisor kimi beynəlxalq səyahət
platformalarında Qarabağda işğal dövründə qanunsuz fəaliyyət
göstərmiş turizm obyektlərinin və restoranların bugünədək
mövcudluğunu qoruyub saxlaması, həmçinin turistlər üçün satışının
təklif edilməsi Azərbaycanın ərazi bütövlüyünə qarşı yönələn addım
kimi xarakterizə edilə bilər. Qeyd etmək lazımdır ki, adı çəkilən
turizm və səyahət platformaları lokal və ya erməni mənşəli deyil,
əksinə bu sektorda dünyada tanınan xarici saytlardır. Bu tip
platformalarda ermənilər tərəfindən qanunsuz turizm fəaliyyətinin
nümayiş etdirilməsi ilə paralel tarixi abidələr və mədəni irs
nümunələri haqda saxta məlumatlar da qeyd edilir.