Trend agentliyi bildirir ki, Azərbaycan prezidenti İlham Əliyev avqustun 1-də respublikanın bir qrup kinomatoqrafiya xadiminə fəxri adların verilməsinə dair sərəncam imzalayıb.
Sərəncama əsasən, Xamis Muradov, Vaqif Mustafayev, Həmidə Ömərova və Şükufə Yusupovaya "Azərbaycan kinematoqrafiyasının inkişafı sahəsindəki xidmətlərinə görə" "Xalq artisti" fəxri adı verilib.
Aydın Dadaşov, Fikrət Əliyev, Aydın Kazımov, Cəmil Quliyev, Rafiq Quliyev, Baba Məsimov (Baba Vəziroğlu), Ələkbər Muradov və Şərif Şərifova "Əməkdar incəsənət xadimi" adı verilib.
Ötkəm İsgəndərov və Şamil Süleymanova "Əməkdar artist" fəxri adı verilib.
Məmməd Dostuyev, Nadir Əliyev, Rəhman Hüseynov, Marat İsgəndərov, Adil Qulamov və Əbülfəz Məmmədova "Əməkdar mədəniyyət işçisi" adı verilib.
