Azərbaycanın daxili işlər naziri Ramil Usubov sentyabrın 22-də jurnalistlərlə söhbətində, DİN baş cinayət axtarış idarəsinin rəisi Zakir Nəsirovun həbsinə münasibət bildirib. Bu barədə Trend xəbər verir.
Hazırda həbsdə saxlanılan Z.Nəsirovu uzun illər daxili işlər orqanlarında çalışmış təcrübəli şəxs və Azərbaycan polisində ləyaqətlə təmsil olunan rəhbər kimi tanıdığını vurğulayan nazir, "Mən inanmıram ki, Nəsirov Hacı Məmmədovla bilərəkdən hansısa bir cinayət əlaqəsinə girib. Ola bilsin ki, Z.Nəsirov bir rəis kimi işçisinə lazımi səviyyədə nəzarət edə bilməyib", deyə qeyd edib.
Daha sonra R. Usubov deyib: "Nəsirovu çox yaxından tanıyan bir insan kimi deyə bilərəm ki, onun mənəvi təmizliyinə, özünə qarşı çox tələbkar olmasına şübhə yoxdur. Yəqin ki, istintaq başa çatandaa hər şey aydın olacaq. Biz də bu istintaqın gedişatını izləyirik və günahı olmayan hər hansı əməkdaşlımıxın taleyinə biganə deyilik".
O həmçinin bildrib ki, Milli Təhlükəsizlik Nazirliyinin istintaq idarəsi tərəfindən aparılan bu istintaq ölkə başçısının nəzarəti altındadır. Bu baxımdan da nazir istintaqın obyektivliyinə və ədalətli qərar çıxaracağına inanır.
