Bu gün Gəncədəki Heydər Əliyev prospektində şəhərin qədim gerbinin əbədiləşdirilməsinə həsr olunmuş sütunun açılış mərasimi keçirilib. Qeyd edək ki, sütunun hündürlüyü 14 metrdir. Onun üst hissəsində qızıl təbəqə ilə örtülmüş Azərbaycan Respublikaısının gerbi, alt hissəsində isə Gəncənin gerbi əks olunur.
Tədbiri giriş sözü ilə Yazıçılar Birliyi Gəncə şöbəsinin müdiri Məmməd Alim açıb. O, Gəncədə mənəvi abidələrə olan dəstəkdən danışıb. Tədbirdə həmiçnin gənclər və idman naziri Azad Rəhimov da iştirak edirdi. O da məraismdə nitq söyləyib.
Yekun fikri isə şəhər icra hakimiyyətinin başçısı Eldar Əzizov bildirib. O, ölkə başçısının Gəncəyə daim diqqət ayırdığını vurğulayıb və əlavə edib ki, şəhər bundan sonra daha da gözəlləşəcək. Rəsmi hissədən sonra N saylı hərbi hissənin əsgərləri hərbi yürüş ediblər. Yürüş Heydər Əliyev meydanına qədər davam edib.
