Qazaxıstanın Bakı-Tbilisi-Ceyhan (BTC) neft kəmərinə qoşulması layihə üçün çox mühümdür, bu, layihəni tamamlayacaq. Trend in Türkiyədəki xüsusi müxbirinin verdiyi xəbərə görə, bu barədə bu gün Ceyhan limanında BP Azerbaijan şirkətinin BTC layihəsi üzrə vitse-prezidenti Maykl Taunşend bildirib.
Onun sözlərinə görə, Bakı-Tbilisi-Ceyhan layihəsi Xəzər bölgəsi karbohidrogenlərinin dünya bazarına tədarükünün yeni effektiv marşrutudur.
Bu gün BTC neft kəmərinin istismara verilməsi üzrə təntənəli mərasimdə Azərbaycan prezidenti İlham Əliyevin, Gürcüstan prezidenti Mixail Saakaşvilinin, Türkiyə prezideni Əhməd Necdət Sezərin, BP başçısı Lord Con Braunun, BP Azerbaijan şirkətinin prezidenti Devid Vudvordun çıxışı gözlənilir.