Avqust ayının birinci yarısında 12 saylı Ərazi Vergilər İdarəsinin (ƏVİ) əməkdaşları tərəfindən 203 pərakəndə ticarət, ictimai iaşə və xidmət obyektlərində keçirilmiş kütləvi reydlər nəticəsində əhali ilə pul hesablaşmalarının aparılması qaydalarına əməl olunmaması faktları ilə bağlı 220 inzibati xəta haqqında protokol tərtib edilib. Bu barədə məlumatı ƏVİ -nin şöbə müdiri Azər Məmmədov məlumat verib. Onun sözlərinə görə, artıq mütəmadi hala çevrilən bu reydlər zamanı bir obyektdən 411, 60 AZN dəyərində 1424 ədəd üzərində aksiz markası olmayan və ya saxta aksiz markası ilə markalanmış tütün məmulatları aşkarlanaraq məhv edilib. Qanun pozuntusuna yol vermiş həmin vergi ödəyicisi barəsində toplanmış materiallar aidiyyəti üzrə məhkəmə orqanlarına göndərilib.
Reydlər zamanı 11 obyektdə işəgötürənlər tərəfindən Əmək Məcəlləsinə zidd olaraq 54 nəfərin əmək müqaviləsi (kontraktı) bağlamadan irşə cəlb edilməsi aşkar olunub.
