Respublika Baytarlıq İdarəsi, Ekologiya və Təbii Sərvətlər Nazirliyi və Səhiyyə Nazirliyinin mütəxəssislərinin birgə iştirakı ilə Şirvan Milli Parkında növbəti dəfə monitorinq keçirilib.
Salyan Rayon Baytarlıq İdarəsinin rəisi Məhəmməd Həsənovun verdiyi məlumata görə, Milli Parkda 5 ədəd quş ovlanaraq müayinə üçün Respublika Baytarlıq İdarəsinə göndərilib. Yaxın günlərdə analizin nəticələri məlum olacaq. İndiyədək respublikada keçirilmiş monitorinqlər zamanı "quş qripi" virusu aşkarlanmasa da, çöl quşlarının ovlanmasına qoyulmuş qadağa hələ də qüvvədədir.
Xatırladaq ki, oktyabrın ikinci ongünlüyündə çöl quşlarının miqrasiyası daha da intensivləşəcək. "Odur ki, əhali ayıq olmalı, gigiyena qaydalarına düzgün riayət etməlidir", - deyə Salyanın baş baytarı bildirib.
