Bu gün Azərbaycanın daxili işlər naziri Ramil Usubov Naxçıvanda rəsmi səfərdə olub. Trend in Naxçıvan Bürosu xəbər verir ki, səfər çərçivəsində nazir Kəngərli Rayon Polis Şöbəsinə baş çəkib.
Ramil Usubov şəxsi heyətə Azərbaycan prezidentinin salamlarını çatdırıb, yeni polis şöbəsinin açılmasını Naxçıvan Muxtar Respublikasının həyatında əlamətdar hadisə hesab etdiyini bildirib.
Naxçıvan MR Ali Məclisinin sədri Vasif Talıbov qonağı salamlayaraq şəxsi heyətə fəaliyyətində uğurlar arzulayıb.
Qeyd edək ki, iki mərtəbədən ibarət Rayon Polis Şöbəsinin inzibati binasında Kəngərli DYP və Şəxsiyyət vəsiqələrinin qeydiyyatı şöbələri fəaliyyət göstərəcək.