ATƏT Demokratik İnstitutlar və İnsan Haqları Bürosunun (DİİHB) direktoru Kristian Ştroxal ümid edir ki, rəhbərliyin dəyişilməsi Türkmənistanda hüquqi dövlətin qurulması üçün imkan yaradacaq
Bu barədə K.Ştroxal dekabrın 21-də Bakıda Trend müxbirinin prezident Saparmurad Niyazovun vəfatı ilə əlaqədar Türkmənistandakı hökumətin dəyişilməsi ilə bağlı verdiyi sualı cavablandırarkən bildirib.
O deyib: "Mən ümid edirəm ki, bu, irəli addımlamağa və fundamental azadlıqlara hörmət edən dövlət qurmağa, iqtisadi və sosial cəhətdən inkişaf etməyə imkan yaradacaq".