Ümid Partiyası Azərbaycanda enerjidaşıyıcılarının qiymətinin artırılmasına etiraz olaraq yanvarın 13-də Bakıda Nəriman Nərimanov kinoteatrının qarşısında mitinq keçirməyə qərar verib. Bu barədə Trend ə partiyanın sədri iqbal Ağazadə məlumat verib.
O bildirib ki, Ümid Pariyası Azərbaycanda bir sıra mühüm sahələrdə qiymətlərin artırılmasını kəskin etirazla qarşılayır və bu qərarın dəyişdirilməsini tələb edir. Bu məqsədlə partiyanın rəhbər strurukturu şəhərin meydanlarından birində mitinq keçirmək qərarına gəlib. Partiyanın Bakı Şəhər İcra Hakimiyyətinə hazırladığı məktubda yanvarın 13-də saat 15.00-da metronun N.Nərimanov stansiyası yanındakı meydanda (N.Nərimanov kinoteatrının qarşısında) etiraz aksiyası keçirilməsinə şərait yaradılması xahiş olunur.
İ.Ağazadə bununla bağlı ətraflı məlumatı sabah - yanvarın 11-də keçirəcəyi mətbuat konfransında verəcək.