Gəncənin bir neçə qəsəbəsində qaz boruları təzələnir və qaz olmayan yerlərə qaz xətləri çəkilir. Bu barədə məlumatı Trend ə Gəncə şəhər Qaz İstismarı İdarəsinin rəisi Adil Bağırov verib.
Müsahibin sözlərinə görə, sözü gedən ərazilər Yeni Gəncə, Avtozavod, Gülüstan qəsəbələridir. "Bu ərazilərdə qaz xətləri köhnəldiyindən borularda sızmalar baş verir. Bu isə qaz itkisinə gətirib çıxarır. Nəticədə abonentləri normal qazla təmin edə bilmirik və tez-tez onlardan şikayətlər daxil olur".
A. Bağırov bildirib ki, bu barədə "Azəriqaz" QSC-ə məlumat verilib və razılıq alınıb. Hazırda Avtozavod qəsəbəsində işlərin yekunlaşdığını qeyd edən Bağırov əlavə etib ki, 2 ay müddətinə işlərin tam yekunlaşdırılıması planlaşdırılır. Görüləcək bütün işlər Gəncə Qaz İstismraı İdarəsinin daxili vəsaiti hesabına olacaq.