Bu ilin payızında GUAM öz imkanlarını nümayiş etdirmək üçün ABŞ-da Dəyirmi masa keçirmək niyyətindədir. "Kavkaz-Press" xəbər verir ki, bu barədə Gürcüstanın xarici işlər nazirinin müavini, GUAM-ın baş katibi Veliriy Çeçalaşvili jurnalistlərə müsahibəsində bildirib.
"Regional təşkilat kimi GUAM-ın imkanlarının təqdim olunması məqsədi ilə amerikalı ekspertlərin iştirakı ilə Dəyirmi masanın keçirilməsi nəzərdə tutulub", - deyə o qeyd edib.
Baş katib bildirib ki, GUAM ancaq ABŞ-la məhdudlaşmaq niyyətində deyil. "Biz bu cür tədbirləri həmçinin Avropa İttifaqında, Brüsseldə keçirməyi də planlaşdırırıq", - deyə o bildirib.