Azərbaycan, Bakı / Trend , müxbir Z.Səfərov/ Qrossmeysterlər Aleksey Şirov, Maqnus Karslen, Sergey Karyakin və Qata Kamski FİDE-nin Qra-Pri turnirlərinin ilk iştirakçıları olub. Bu turnirdə Azəbaycan şahmatçılarının da iştirak etmək şansı var.
Trend in verdiyi məlumata görə, bu, idmançıların bu günlərdə Xant-Mansiyskdə keçirilən Dünya Kubokunun yarımfinalına çıxması ilə əlaqədardır. Yarımfinalın nəticələrindən asılı olaraq, Qran-Prinin reqlamentinə uyğun olaraq, qrossmeysterlər bu yarışmalarda iştirak edəcəklər. Turnirin cəmi altı mərhələsi keçiriləcək və bu mərhələlər yaxın iki il ərzində planetin aparıcı şahmatçılarının iştirakı ilə baş tutacaq.
Qran-Pridə iştiraka Şəhriyar Məmmədyarov və Teymur Rəcəbov da iddialıdır və bu şahmatçılar yarışmaya yüksək reytinqləri sayəsində qatıla bilərlər.