Azərbaycan, Bakı, 22 aprel /müx. TrendLife Eldar Hüseynzadə/
Keçən il kinoda az dəyişiklik olmayıb. Beləki, "Debüt" kinostudiyasında bu canlanma daha aydın şəkildə gözə çarpır. Adıçəkilən studiyada hələ sovet dövründə tanınmış rejissorlar çalışıb. Studiyaya rəhbərlik edən Eldar Quliyevin sözlərinə görə son zamanlar onlara müraciət edən gənc rejissorlar, operatorlar, ssenariçilərin sayı çoxdur. "Sözün düzü, "Debüt" kimi studiyanın olması vacibdir. Burda çalışan gənclər sanki öz təhsillərini davam etdirirlər. Əsas odur ki, rejissor ona verilən işi uğurla tamamlasın. Bir sözlə biz burda gənclərə hər cür şərait yaradırıq".