...

Azərbaycanlı jurnalist Avropa Məhkəməsinə müraciət edəcək

Cəmiyyət Materials 3 İyul 2008 12:53 (UTC +04:00)

Azərbaycan, Bakı, 03 iyul / Trend , müxbir K.Zərbalıyeva/ Azərbaycan Ali Məhkəməsi "Azadlıq" radiosunun Naxçıvandakı müxbirinin şikayətini təmin etməyib.

Naxçıvan MR "Demokratiya və QHT-nın İnkişaf Resurs Mərkəzi" İctimai Birliyinin rəhbəri, "Azadlıq Azad Avropa" Radiosunun müxbiri Məlahət Nəsibova Naxçıvan MR Daxili İşlər Nazirliyi və Prokurorluğunun qanunsuz hərəkətlərindən məhkəməyə şikayət edib.

Jurnalistin vəkili Elçin Sadıqov Trend -a bildirib ki, məhkəmənin qərarı olmadan Nəsibovanın evində və rəhbəri olduğu təşkilatın ofisində Naxçıvan DİN-in əməkdaşları axtarış aparıblar.

Jurnalist qanunsuz axtarışla bağlı araşdırma aparılması üçün Naxçıvan Prokurorluğuna müraciət etsə də, onun şikayəti araşdırılmayıb.

Nəsibovanın məhkəmə qərarı olmadan axtarış aparılması və müəyyən şeylərin götürülməsi, şəxsi və jurnalist sirrinin pozulması və mülkiyyətin geri qaytarılması ilə bağlı Naxçıvan şəhər məhkəməsinə verdiyi iddia icraata qəbul olunmayıb və geri qaytarılıb.

İddianın geri qaytarılması barədə qərardadın ləğv olunması ilə bağlı Ali Məhkəməyə verilən şikayət təmin olunmayıb.

Vəkil bildirib ki, Ali Məhkəmənin qərarından İnsan Haqları üzrə Avropa Məhkəməsinə şikayət veriləcək.

Məqalə müəllifi ilə əlaqə ünvanı: [email protected]

Xəbər lenti

Xəbər lenti