...

Azərbaycanda hakim olmaq üçün müsabiqənin ikinci mərhələsi keçiriləcək

Cəmiyyət Materials 18 İyun 2009 17:37 (UTC +04:00)

Azərbaycan, Bakı, 18 iyun / Trend , müxbir K.Zərbalıyeva /

Azərbaycanda hakim olmaq üçün müsabiqənin ikinci mərhələsi iyunun 30-da keçiriləcək.

Hakimlərin Seçki Komitəsindən cümə axşamı Trend  News-a verilən məlumata görə, müsabiqənin ikinci mərhələsi-yazılı imtahan Bakı İdman Sarayında vahid auditoriyada keçiriləcək.

Hakimliyə namizədlər arasında mayın 7-də Bakı İdman Sarayında vahid auditoriyada test imtahanı keçirilib və 213 nəfər ikinci mərhələdə iştirak etmək imkanı qazanıb.

Trend -un arayışı: Prezidentin fərmanları ilə Azərbaycanda hakim ştatlarının sayı 50 faiz artırılaraq 491-ə çatdırılıb.

Hakimlərin sayının artırılması üçün iki dəfə hakimliyə müsabiqə yolu ilə seçkilər keçirilib və 2007-ci ildə 55, 2008-ci ildə 102 nəfər hakim seçilib.

Görülmüş tədbirlər nəticəsində Ali Məhkəmədə hakimlərin ştat sayı 23-dən 38-ə, apellyasiya məhkəmələri hakimlərinin sayı 2 dəfədən çox artırılaraq 49-dan 106-ya, Bakının rayon məhkəmələrində hakimlərin sayı 45-dən 88-ə çatdırılıb.

Hakim korpusunun fəaliyyətinin qiymətləndirilməsi nəticəsində 2007-2008-ci illlər ərzində 32 hakimin səlahiyyətinə xitam verilib.

Məqalə müəllifi ilə əlaqə ünvanı:[email protected]

Xəbər lenti

Xəbər lenti