...

Azərbaycanın Mədəniyyət və Turizm Nazirliyinin səlahiyyətləri genişləndirilə bilər

Cəmiyyət Materials 13 Oktyabr 2011 15:51
Azərbaycanda "Turizm haqqında" yeni qanunun qəbul olunması ilə Mədəniyyət və Turizm Nazirliyinin səlahiyyətləri genişləndirilə bilər. Bu barədə Trend-ə Milli Məclisin Sosial siyasət komitəsinin sədri, millət vəkili Hadı Rəcəbli bildirib.
Azərbaycanın Mədəniyyət və Turizm Nazirliyinin səlahiyyətləri genişləndirilə bilər

Trend-i buradan izləyin

Azərbaycan, Bakı, 13 oktyabr /Trend, müxbir T.Hacıyev/

Azərbaycanda "Turizm haqqında" yeni qanunun qəbul olunması ilə Mədəniyyət və Turizm Nazirliyinin səlahiyyətləri genişləndirilə bilər. Bu barədə Trend-ə Milli Məclisin Sosial siyasət komitəsinin sədri, millət vəkili Hadı Rəcəbli bildirib.

Onun sözlərinə görə, yeni qanun layihəsinin hazırlanması ilə bağlı Mədəniyyət və Turizm Nazirliyində işçi qrup yaradılıb və qanun layihəsi hazırlanır. Millət vəkili deyib ki, qanun layihəsində turizmlə bağlı çoxlu maraqlı yeniliklər nəzərdə tutulur.

"Bu yeniliklərlə turizm nazirinə müəyyən səlahiyyətlər verilməsi və Azərbaycanda turizmin inkişafı üçün iqtisadi-siyasi münasibətlərin tənzimlənməsi nəzərdə tutulur", - Rəcəbli əlavə edib.

Millət vəkilinin sözlərinə görə, Ekologiya və Təbii Sərvətlər Nazirliyinin balansında müəyyən istirahət yerləri var ki, həmin yerlərdən gələcəkdə Turizm Nazirliyi də istifadə edə bilər.

"Bəzi yerlər var ki, təbiətlə bağlıdır, lakin Turizm Nazirliyi bu obyektlərdən daha yaxşı istifadə edə bilər. Hər iki nazirliyin birgə sənədi ola bilər ki, o yerlər qorunsun, eyni zamanda turizm məqsədləri üçün səmərəli istifadə olunsun", - Rəcəbli qeyd edib.

Xəbər lenti

Xəbər lenti