Azərbaycan, Bakı, 3 noyabr /Trend, müxbir E.İsmayılov/
Bakının Sabunçu və Xəzər rayonlarının qaz təchizatında məhdudiyyətlər olacaq.
"Digah-Buzovna (Cənub)" qaz kəmərində aparılan təmir işləri ilə əlaqədar noyabrın 4-də saat 09:00-dan 18:00-dək qaz təchizatı dayandırılacaq.
Trend-in cümə axşamı ARDNŞ-nin rəsmi saytına istinadən verdiyi məlumata görə, təmir işləri aparılan müddətdə Bakının Sabunçu və Xəzər rayonlarının Binə, Qala, "Hövsan südçülük", Türkan, Buzovna, Mərdəkan, Şüvəlan, Zabrat-I, Zabrat-II, Kürdəxanı, Pirşağı, Bilgəh, Nardaran, Maştağa və Albalılıq qəsəbələrinə təbii qazın verilişində məhdudiyyətlər olacaq.