Azərbaycan, Bakı, 2 fevral /Trend/
Bu gün Azərbaycan Ağsaqqallar Şurası İdarə Heyətinin iclası keçirilib.
Şuradan Trend-ə verilən məlumata görə, iclasda Şuranın növbədənkənar qurultayının keçirilməsi ilə bağlı məsələlər müzakirə edilib, Ağsaqqallar Şurası sədrinin müavini Fəttah Heydərovun rəhbərliyi altında Təşkilat Komitəsi yaradılıb. Təşkilat Komitəsinə fevral ayının birinci ongünlüyündə Ağsaqqallar Şurasının bütün şəhər və rayon təşkilatlarında konfransların keçirilməsinin və qurultaya nümayəndələrin seçilməsinin təmin edilməsi həvalə olunub.
İclasda Şuranın VI qurultayının 2013-cü il fevral ayının 16-da Bakı şəhərində keçirilməsi qərara alınıb.
Növbədənkənar qurultayda ötən dövr ərzində qurumun fəaliyyəti ilə bağlı Ağsaqqallar Şurasının və Nəzarət-Təftiş Komissiyasının hesabatlarının dinlənilməsi, rəhbər orqanların seçilməsi, Nizamnaməyə əlavə və dəyişikliklərin edilməsi nəzərdə tutulur.