...

Millət vəkili seçicilərlə növbəti görüş keçirib (FOTO)

Cəmiyyət Materials 28 İyun 2013 09:59 (UTC +04:00)
Milli Məclisin deputatı Novruz Aslanovun İsmayıllı rayonuna səfərləri davam edir.
Millət vəkili seçicilərlə növbəti görüş keçirib (FOTO)

Azərbaycan, Bakı, 28 iyun / Trend /

Milli Məclisin deputatı Novruz Aslanovun İsmayıllı rayonuna səfərləri davam edir. İyun ayının 27-də millət vəkili növbəti dəfə İsmayıllı şəhərindəki ofisində sakinləri qəbul edib. Həmişə olduğu kimi bu dəfə də deputat hər bir seçicini fərdi qaydada qəbul edib, onları dinləyib. Qaldırılan məsələlər əsasən sosial yönümlü məsələlərdən ibarət olub. Ayrı-ayrı sakinlər şəxsi məişət problemləri barədə də millət vəkilinə müraciət ediblər. Bir neçə məsələ ilə bağlı deputat müvafiq addımların atılacağını bildirib, bəzi məsələlər yerindəcə həll edilib.

Məlumat üçün bildirək ki, seçicilərlə mütəmadi olaraq görüşlərin keçirilməsi, onları hər həftə qəbul etmək deputat Novruz Aslanovun əsas fəaliyyət istiqamətlərindən biridir. Bu məqsədlə millət vəkili hər həftə İsmayıllı rayonuna səfər edir, rayon İcra Hakimiyyətinin başçısı ilə birgə səyyar görüşlər keçirir. Eyni zamanda rayonda keçirilən kütləvi tədbirlərdə iştirak edir.

Məqalədə:
Xəbər lenti

Xəbər lenti