Azərbaycan, Bakı, 5 noyabr /Trend, müxbir E.Mehdiyev/
Mərkəzi Klinikanın Gəncə Xəstəxanasında açıq ürək əməliyyatı aparılıb.
Trend Kəpəz TV-yə istinadən xəbər verir ki, əməliyyat xəstəxananın baş həkimi, ürək-damar cərrahı Kamran Musayevin başçılıq etdiyi həkim briqadası tərəfindən yerinə yetirilib.
Xəstəxanada dünən daha bir xəstə üzərində açıq ürək əməliyyatı uğurla həyata keçirilib.
Qeyd edək ki, Mərkəzi Klinikanın Gəncə Xəstəxanasının Ürək-damar cərrahiyyəsi və İnvaziv kardiologiya şöbələrində gün ərzində 20 koronar angioqrafiya, 4 açıq ürək əməliyyatının aparılması mümkündür və şöbələr 24 saat dayanmadan fəaliyyət göstərir.