Azərbaycan, Bakı, 25 dekabr /Trend, müxbir İ.İsabalayeva/
Azərbaycan Milli Elmlər Akademiyasında (AMEA) İnnovasiya Fondunun yaradılması nəzərdə tutulur.
Trend-in məlumatına görə, AMEA-nın Rəyasət Heyətinin bu gün keçirilən iclasında bildirilib ki, bu fondda akademiklərin innovativ layihələrindən əldə edilən əlavə gəlir toplanacaq. Fonddakı vəsaitin isə AMEA-nın Rəyasət Heyətinin qərarı ilə xərclənməsi planlaşdırılır.
Akademiyanın prezidenti Akif Əlizadə deyib ki, hələlik layihə formasında olan bu fondun yaradılması elmin inkişafına xidmət edəcək.