Azərbaycan, Bakı, 28 dekabr /Trend, müxbir R.Hafizoğlu/
Türkiyədə 2014-cü ilin yanvar ayından etibarən uçuş qaydalarını pozan sərnişinlərə qarşı cəzalar sərtləşdiriləcək.
Trend-in "Anadolu" agentliyinə istinadən verdiyi məlumata görə, təyyarələrdə uçuş vaxtı uçuşa təhlükə yarada biləcək hər hansı hərəkətə görə 10 min lirə cərimə nəzərdə tutulur.
Məlumatda o da qeyd olunur ki, xəbərdarlıq siqnalından sonra elektron cihazlar işlədən, yerinə əyləşməyən, təhlükəsizlik kəmərlərini bağlamayan, təyyarə ekipajı ilə mübahisə edən və təyyarədə siqaret çəkən sərnişinlər 1000 lirə cərimə olunacaq.