Azərbaycan, Bakı, 26 yanvar /Trend, müxbir İlhamə İsabalayeva/
Tələbə Qəbulu üzrə Dövlət Komissiyasının (TQDK) yanvarın 24-də ilk dəfə olaraq keçirdiyi beynəlxalq SAT (Scholastic Aptitude Test - Akademik Qiymətləndirmə Testi) imtahanının nəticələrinin yaxın 3 həftədən sonra elan olunması nəzərdə tutulur.
Komissiyadan Trend-ə verilən məlumata görə, imtahan prosesi saat 8:36-da başlayıb və 12:57-də başa çatıb. Nəticələr elan olunduqdan sonra imtahanda iştirak etmiş namizədlər öz səhifələrinə daxil olaraq imtahan nəticələri ilə tanış ola biləcəklər.
TQDK tərəfindən növbəti SAT imtahanının 2015-ci il mayın 2-də keçirilməsi nəzərdə tutulur. Bu imtahanda iştirak etmək istəyənlərin qeydiyyatı (Qeydiyyatdan keçmək üçün link: http://sat.collegeboard.org/register/sat-international-dates) artıq başlayıb və aprel ayının 7-si saat 09:00-dək davam edəcək.