Bakı. Trend:
Ölkənin lider mobil operatoru, Azercell Telekom, ən son texnologiyalara uyğun smartfonları istifadəçilər üçün daha əlçatan etmək məqsədilə, yeni sərfəli kampaniyalar təqdim etməyə davam edir. Bu dəfə 4G smartfon əldə etmək arzusunda olan hər kəs,18 avqust 2016-cı il tarixindən etibarən, güzəştli şərtlərlə yeni telefon kampaniyasından yararlana biləcək.
Kampaniya şərtlərinə görə, abunəçilər limitsiz internetə 12 ay müddətinə qoşulub, ayda cəmi 29.90 AZN ödəməklə, Huawei Y560 smartfonuna pulsuz sahib ola biləcəklər. Bunun üçün Azercell Ekspres ofisi və ya Müştəri Xidmətləri Mərkəzlərinə müraciət edib, Hədsiz İnternet tarif paketinə qoşulmaq kifayətdir. Kampaniya çərçivəsində telefonlarının sayı məhduddur.