...

Bakı Sağlamlıq Mərkəzinin direktoru: "O həkim ümumiyyətlə, içki içmir"

Cəmiyyət Materials 23 Avqust 2016 16:09 (UTC +04:00)
Bakı Sağlamlıq Mərkəzində 67 yaşlı Vladimir Zotovun ölümünə içkili həkimin səbəb olması ilə bağlı məlumatlar yalandır.
Bakı Sağlamlıq Mərkəzinin direktoru: "O həkim ümumiyyətlə, içki içmir"

Trend-i buradan izləyin

Bakı. İlhamə İsabalayeva - Trend:

Bakı Sağlamlıq Mərkəzində 67 yaşlı Vladimir Zotovun ölümünə içkili həkimin səbəb olması ilə bağlı məlumatlar yalandır. Bunu Trend-ə Bakı Sağlamlıq Mərkəzinin direktoru Hikmət Həsənov deyib.

V.Zotovu müayinə edən şöbə müdiri Elçin Əzizov ümumiyyətlə, alkoqollu içki içmir. Mərkəz direktoru əlavə edib ki, avqustun 19-da təcili-tibbi yardım maşını ilə xəstəxanaya daxil olan V.Zotova görə həkim E.Əzizova zəng edilib və ondan ağır vəziyyətdə olan xəstəyə görə evindən mərkəzə gəlməsi xahiş edilib.

E.Əzizov Şüvəlandan öz avtomobili ilə mərkəzə 25 dəqiqəyə gəlib: “Əgər Elçin Əzizov içkili olsaydı, avtomobilini idarə edə bilməzdi. Xəstənin yaxınlarının bu barədə söylədiklərinin hamısı yalandır. Elçin Əzizov çox səriştəli həkimdir”.

Direktor əlavə edib ki, V.Zotov 2 dəfə infarkt olub: "Bunun fəsadı olaraq, onun bağırsağında tromboz (bağırsaq “infaktı”) yaranıb. Təcili yardım xidməti çağırılanda da onun şikayəti ürəyindən olub. Lakin sonradan onun qarnında ağrılar, yəni tromboz başlayıb. Mərkəzdə xəstənin laporaskopik müayinəsi aparılıb və dəqiqləşdirilib ki, onun bağırsağında tromboz var. Xəstə üçün səhər saat 11-dək bütün reanimasiya tədbirləri görülüb. Lakin buna baxmayaraq, o, dünyasını dəyişib. Onun ölümü də gözlənilən idi. Çünki bu diaqnoz 100 faiz ölümə səbəb olur”.

Qeyd edək ki, mərhumun övladı atasını müayinə edən həkimin içkili olduğunu, bu səbəbdən atasını müayinə edə bilmədiyini iddia edir. 

 

Məqalədə:
Xəbər lenti

Xəbər lenti