...

Şamaxıda ölümlə nəticələnən qəza ilə bağlı cinayət işi başlanıldı

Cəmiyyət Materials 9 May 2020 10:11 (UTC +04:00)
Şamaxıda ölümlə nəticələnən qəza ilə bağlı cinayət işi başlanıldı

Bakı. Samir Əli - Trend:

Şamaxıda yeniyetmə gənclərin törətdiyi yol qəzası ilə bağlı cinayət işi başlanıb.

Trend-in məlumatına görə, Şamaxı-Pirqulu yolunun Əngəxaran kəndi ərazisindən keçən hissəsində rayon sakini, 2003-cü il təvəllüdlü Zeynalov Fəqan Anar oğlu babası Mürvət Zeynalova məxsus "NİVA" markalı minik avtomobili ilə hərəkətdə olarkən döngədə idarəetməni itirib və maşın yoldan çıxaraq aşıb.

Hadisə zamanı sərnişin, 2003-cü il təvəllüdlü Muxtarov Bəxtiyar Azər oğlu aldığı ağır xəsarətlərdən dünyasını dəyişib. Avtomobili idarə edən Fəqan Zeynalov və digər sərnişin, Bakı sakini, 2004-cü il təvəllüdlü Salahov Cəmil Azər oğlu xəsarət alıb. Yaralılar Şamaxı rayon Mərkəzi Xəstəxanasına aparılıblar.

Ölən və yaralanan şəxslər 11-ci sinif şagirdləridir.

Faktla bağlı Şamaxı rayon Polis Şöbəsində Cinayət Məcəlləsinin 263.2-ci (yol-istismar qaydalarını pozma, zərərçəkənin ölümünə səbəb olma) maddəsi ilə cinayət işi başlanıb.

Məqalədə:
Xəbər lenti

Xəbər lenti