Bakı. Elçin Mehdiyev – Trend:
Xüsusi karantin dövründə işçinin icazəsi ləğv olunan zaman onun işlədiyi təşkilatın elektron kabinetinə məlumat göndərilir.
Trend-in məlumatına görə, bunu Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Nazirlər Kabineti yanında Operativ Qərargahın bu gün keçirilən brifinqində deyib.
Ü.Mehdiyev bildirib ki, hər bir müəssisənin icazə sistemi ilə işləyən məsul şəxsləri mütəmadi olaraq həmin müəssisənin sistemdə olan kabinetinə daxil olub kimin icazəsinin ləğv edilib-edilməməsinə baxa bilər.
Sədr qeyd edib ki, işçilər özləri də bunu edə bilərlər.