Bakı. Trend:
Azərbaycanın Əməkdar artisti Bəhram Bağırzadənin anası koronavirusa yoluxub.
Trend xəbər verir ki, bu barədə B.Bağırzadə özünün "İnstagram" səhifəsində məlumat verib.
Onun sözlərinə görə, 74 yaşlı Tahirə Əfəndiyeva komaya düşüb və hazırda ağır vəziyyətdədir.
B.Bağırzadə anasına təcili qan köçürülməsinin lazım olduğunu bildirib: "Əziz dostlar! Anam komadadır, COVID-19 virusundan ağır vəziyyətdədir və ona təcili qan köçürülməlidir. Hansı qrupun olması vacib deyil, əsas odur ki, kimsə bankı doldurmaq üçün təzə qan bağışlasın. İmkan varsa bu vəziyyətdə mənə kömək edin! Sizdən Bəhram Bağırzadə kimi deyil, onu xilas etmək üçün hər şeyi etməyə hazır olan bir oğul kimi xahiş edirəm. Kömək edən hər kəsə əvvəlcədən təşəkkür edirəm!
Məlumat: anamın adı Tahirə Möhüb qızı Əfəndiyeva, 12.11.1946 - əsas odur adına qan verilsin ki, ona köçürülsün".