...

Xaçmaz rayonunun Çiləgir kəndində sakinlərlə görüş keçirilib (FOTO)

Cəmiyyət Materials 6 Dekabr 2022 16:31 (UTC +04:00)
Xaçmaz rayonunun Çiləgir kəndində sakinlərlə görüş keçirilib (FOTO)

Trend-i buradan izləyin

Bakı. Trend:

Xaçmaz Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri və xidmət təşkilatlarının məsul şəxsləri ilə birlikdə Nərəcan İnzibati Ərazi Dairəsinə daxil olan Çiləgir kəndində səyyar qəbul keçirib.

Qəbulda Çiləgir kəndi ilə yanaşı Nərəcan, Ağtala, Sabiroba, Mürşüdoba və Mənçəroba kəndlərinin sakinləri iştirak edib.

Görüş iştirakçıları əvvəlcə Çiləgir kənd tam orta məktəbinin həyətində şəhid Əfqan Yəhyayevin büstünü ziyarət edib.

Şəhidlərimizin əziz xatirəsini bir dəqiqəlik sükutla yad ediblər .

Daha sonra vətəndaşların müraciət və təklifləri dinlənilib. Sakinlər qaz təchizatı, su, məktəb və tibb məntəqəsinin təmiri eləcədə digər məsələlərlə bağlı müraciətlər səsləndiriblər.

Rayon İcra Hakimiyyətinin başçısı Elnur Rzayev kənd sakinlərinin arzu və təkliflərini həssaslıqla dinləyərək, onları narahat edən problemlərin aradan qaldırılması istiqamətində müvafiq tapşırıqlarını verib. Bir çox müraciətlər yerindəcə həll edilib.
Sakinlər əhalinin problemlərinin həll edilməsi məqsədilə yerlərdə həyata keçirilən tədbirlərə, göstərilən yüksək diqqət və qayğıya görə Azərbaycan Respublikasının Prezidenti İlham Əliyevə minnətdarlıqlarını ifadə ediblər.

Sonda Vətən müharibəsinin iştirakçılarına təltif olunduqları medallar təqdim olunub.

Məqalədə:
Xəbər lenti

Xəbər lenti