...

Mərkəzi Gömrük Hospitalının Pediatriya və Neonatologiya şöbəsində vaxtından əvvəl doğulanlar körpələrə xüsusi diqqət və qayğı göstərilir (FOTO)

Cəmiyyət Materials 17 Noyabr 2023 13:46 (UTC +04:00)

Bakı. Trend:

Mərkəzi Gömrük Hospitalının Pediatriya və Neonatologiya şöbəsinin rəisi, uzman pediatr Telman Aytayev Mərkəzi Gömrük Hospitalında yenidoğulmuşlara tibbi xidmət barədə məlumat verərək, bildirib ki, Hospitalda reanimasiya və intensiv terapiyaya ehtiyacı olan bütün yenidoğulmuşlara neonatoloqlar və tibbi heyət tərəfindən yüksək səviyyədə tibb xidməti göstərilir. Şöbə müasir diaqnostika və müalicə avadanlığı ilə təchiz olunmuşdur: burada inkubatorlar, süni ventilyasiya üçün tənəffüs aparatı, qan təzyiqi, qanın oksigenlə doyması, temperatur, tənəffüs və ürək döyüntülərinin monitorinqi üçün monitorlar, qızdırıcılı reanimasiya masaları, elektrik sorma nasosları, uzunmüddətli infuziya terapiyası üçün perfuserlər, fototerapiya lampaları, həmçinin mərkəzləşdirilmiş oksigen sistemi, oksigen dozimetrləri, periferik venaların ponksiyonu üçün braunul dəstləri, göbək venasının kateterizasiyası üçün kateterlər, qan mübadiləsi üçün dəstlər, mədədaxili zondlar var.

T.Aytayev qeyd edib ki, şöbənin yüksəkixtisaslı həkim kollektivi, müasir tibbi avadanlıqla təmin olunması sayəsində yenidoğulmuşlar qısa zaman çərçivəsində ailələrinə qovuşur. Yenidoğulmuşların reanimasiyası hamiləliyin 26-cı həftəsındən etibarən erkən doğum, çoxdöllü hamiləlik, şəkər xəstəliyi olan anaların uşağı, iri uşaq, çətin doğum keçirən, beyin və diğər organ problemləri kimi yüksək riskli yenidoğulmuşlara xidmət göstərilir. Bu məqsədlə istifadə olunan, bütün tibbi avadanlıqlarla təchiz olunmuş ambulans və təxliyə küvezi vasitəsilə uşaq bütün daşınma boyu reanimasiya xidmətləri ilə təmin olunur.

T.Aytayev deyib ki, hər gün yeni doğulmuş uşaqlar anasının iştirakı ilə neonatoloq tərəfindən müayinə olunur, o, anaya körpənin vəziyyəti, çəkisinin artması və doğum evində peyvəndlərin vaxtı barədə məlumat verir. Birgə palatalarda şöbənin yüksəkixtisaslı işçiləri analara uşağa qulluq vərdişlərini öyrədir, erkən və tam ana südü ilə qidalanmanın qurulmasına köməklik göstərir. Şöbədə bütün yeni doğulmuş uşaqlar neonatal skrininq, audioloji skrininq, ürək müayinəsi, ultrasəs müayinəsi, laboratoriya müayinələri, vərəm və hepatit B əleyhinə peyvəndlərdən keçirilir.

Mərkəzi Gömrük Hospitalının mama-ginekoloqu Nərmin Muradova bildirib ki, hospitalın Pediatriya və Neonatologiya şöbəsində müxtəlif xəstəlikləri olan yeni doğulmuş uşaqların müayinəsi, virus, bakterial infeksiyalar, anadangəlmə metabolik pozğunluqları olan bronxopulmoner sistem xəstəliklərinin müalicəsi, mərkəzi sinir sisteminin patologiyası, irsi olaraq təyin olunan xəstəliklərlərin müalicəsi və reabilitasiyası həyata keçirilir.

Nərmin həkim qeyd edib ki, son illərdə vaxtından əvvəl doğuşlarda artım müşahidə olunur. Bütün yeni doğulmuş uşaqlar həssasdır, lakin vaxtından əvvəl doğulanlar xüsusilə həssasdırlar və vaxtından əvvəl doğuş problemi bütün ölkələrdə ən aktual problemlərdən biri olaraq qalır. Vaxtından əvvəl doğulmuş körpə və ya vaxtından əvvəl doğulmuş uşaq 37 tamamlanan həftədən az müddətdə, yəni hamiləliyin 260-cı günündən əvvəl doğulmuş uşaqdır. Vaxtından əvvəl doğulmuş bir körpə diqqətlə diqqət tələb edir, çünki ona qulluq zamanı bir sıra problemlər tez-tez yaranır. Əvvəla, bu, bədən çəkisi 1500 q və xüsusilə də 1000 q-dan az olan "son dərəcə vaxtından əvvəl" doğulmuş uşaqlara aiddir. Mərkəzi Gömrük Hospitalının Pediatriya və Neonatologiya şöbəsinin yüksəkixtissalı pediatrları tərəfindən də belə uşaqlara xüsusi diqqət və qayğı ilə yanaşılır.

Xəbər lenti

Xəbər lenti