Ağdam. Trend:
Azərbaycan Respublikası Minatəmizləmə Agentliyi Ağdam rayonunda baş verən mina hadisəsi ilə bağlı məlumat yayıb.
Qurumdan Trend-ə bildirilib ki, 2023-cü il 5 dekabr tarixində işğaldan azad edilmiş Ağdam rayonunun Sarıcalı kəndi ərazisində Agentliyin əməkdaşı 1992-ci il təvəllüdlü Əkbərov Vaqif Sabir oğlu xidməti vəzifəsini yerinə yetirərkən piyada əleyhinə mina partlayışı baş verib.
Xəsarət alan şəxs hadisə yerindən təxliyə edilərək, rayon xəstəxanasına çatdırılıb. Xəsarət alan şəxsin sağ ayağı dizdən aşağı nahiyədən amputasiya edilib. Vəziyyəti qənaətbəxşdir.
xxx
Azərbaycan Respublikasının Minatəmizləmə Agentliyinin (ANAMA) əməkdaşı Ağdamda minaya düşüb.
Trend xəbər verir ki, hadisə Ağdamın işğaldan azad edilmiş ərazisində minatəmizləmə zamanı baş verib.
Tərtər rayon sakini Vaqif Əkbərov iş fəaliyyəti zamanı minaya düşüb. Onun sağ ayağı amputasiya edilib.
