Bakı. Trend:
"Azərbaycan Uşaqları" İctimai Birliyinin sığınacağında qızılcaya yoluxan 18 uşaq 1 saylı Uşaq Yoluxucu Xəstəliklər Xəstəxanasına yerləşdirilib.
Bu barədə Trend-ə TƏBİB-dən məlumat verilib.
Bildirilib ki, onlardan 8-i dekabrın 5-də sağalaraq xəstəxanadan buraxılıb.
"10 uşağın müalicəsi isə hazırda 1 saylı Uşaq Yoluxucu Xəstəliklər Xəstəxanasında davam etdirilir. Vəziyyətləri stabildir", - məlumatda qeyd edilib.
xxx
13:10
Azərbaycan Uşaqları İctimai Birliyinin rəhbəri Kəmalə Ağazadə sığınacaqdakı qızılcaya yoluxma mıəsələsinə münasibət bildirib.
O, Trend-ə açıqlamasında yoluxanlar arasında əməkdaşların da olduğunu deyib.
"Qızılca xəstəliyi ilə əlaqədar xəstəxanaya yerləşdirilmiş uşaqlarımızın sayı çoxdur. Əksəriyyəti də 5 yaşadək olan körpələrdir. Əməkdaşlarımızın 2 nəfəri hazırda xəstəxanadadır", - K.Ağazadə qeyd edib.
xxx
11:45
Azərbaycan Uşaqları İctimai Birliyinin Bakıda yerləşən sığınacaqda qalan çoxlu sayda uşaq qızılcaya yoluxub.
Təşkilatdan Trend-ə verilən məlumata görə, yoluxan uşaqların sayı hələ dəqiq deyil.
İctimai Birlikdən qızılcaya yoluxan uşaqların sayı ilə bağlı konkret rəqəmlərin açıqlanacağı bildirilib.