"Heydər Əliyev adına" Bakı beynəlxalq aeroportunun ərazisindəki mehmanxananın tikintisi 2006-cı ildə başa çatacaq. Bu barədə Trend ə Azərbaycan Hava Yolları (AZAL) Dövlət Konsernindən xəbər veriblər.
Nümayəndənin sözlərinə görə, hazırda obyektin özülü qoyulur. Bütün zəruri avadanlıqlar və texnika tikinti meydançasına gətirilib. Tikinti işlərini Türkiyənin Zimaninshaat şirkəti aparır. Dörd ulduzlu mehmanxana 200 yer üçün nəzərdə tutulub. Onun tikintisi aeroportda göstərilən xidmətin həcmini yüksəltməyə imkan verəcək. Layihənin dəyəri 17 milyon dollar təşkil edir.