Azərbaycanın voleybol üzrə qadın yığması oyunçuların məzuniyyətdən qayıtmasından sonra mövsümə hazırlıq planı tərtib edir.
Milli Federasiyanın mətbuat katibi Zöhrab Gözəlbəylinin dediyinə görə, voleybolçılar aprelin əvvəllərində məşqlərə başlamalıdırlar və o zaman təqvimin yekun variantı müəyyən ediləcək. "Yığma Yekaterinburqda ənənəvi Boris Yeltsin Kubokunda, Qubadakı yarışda oynamağı planlaşdırır. Lakin bu zaman dünya çempionatının başlamasından əvvəl keçiriləcək Qran-Prininn üç seçmə mərhələsini də unutmaq olmaz", -deyə Z.Gözəlbəyli qeyd edib.
Xatırladaq ki, voleybolçularımız Yaponiyadakı mundialda uğurla iştirak etməyi bu ilin əsas prioriteti hesab edirlər.