...

Ədliyyə Nazirliyinin Bələdiyyələrlə İş Mərkəzi bölgələrdə seminar-müşavirə keçirməyi planlaşdırıb

Cəmiyyət Materials 25 Aprel 2006 12:54 (UTC +04:00)

May ayında Ədliyyə Nazirliyinin Bələdiyyələrlə İş Mərkəzi Azərbaycanın bölgələrində növbəti seminar-müşavirələr keçirməyi planlaşdırıb. Bu barədə Trend ə Mərkəzin direktoru Mehdi Səlimzadə məlumat verib.

M.Səlimzadənin sözlərinə görə, semirar-müşavirələrin keçirilməsində məqsəd bölgələrdə bələdiyyə üzvlərinin maarifləndirilməsidir.

"Artıq Yevlax, Ağdam, Zərdab və Ucarda belə seminar-müşavirələr keçirmişik və müsbət nəticəsini də görürük. Belə tədbirlərdə bələdiyyə üzvləri bələdiyyələrlə bağlı qanunlar barədə ətraflı məlumatlandırılırlar" - deyə M.Səlimzadə bildirib.

Seminar-müşavirələrdə Milli Məclisin regional məsələlər üzrə daimi komissiyasının nümayəndəsi də iştirak edəcək.

M.Səlimzadə tədbirlərə hansı bölgədən start veriləcəyinin hələlik dəqiqləşdirilmədiyini söyləyib.

Xəbər lenti

Xəbər lenti