Ailə, Qadın və Uşaq Problemləri üzrə Dövlət Komitəsinin uşaq evlərində yaşamış və 18 yaşı tamam olandan sonra oranı tərk edən qızlar üçün iş yerlərinin açılması ilə bağlı layihə həyata keçirməyi nəzərdə tutur. Trend in məlumatına görə, bu barədə jurnalistlərə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova açıqlama verib.
Komitə sədri qeyd edib ki, ilkin olaraq bir pilot layihəsi həyata keçirilməsi və bölgələrdən birində uşaq evlərini tərk etmiş qızlar üçün iş yerləri açılaması nəzərdə tutulur, sonradan isə bu iş genişləndirilə bilər. Ş.Hüseynova həmçinin jurnalistlərə bildirib ki, Daxili İşlər Nazirliyinin həyata keçirdiyi tədbirlər nəticəsində son zamanlar Azərbaycanda qadın alveri hallarının sayı azalıb.
Komitə sədri onu da əlavə edib ki, Azərbaycanda qadınlar üçün sığınacaq evinin yaradılması ideyası da irəli sürülüb. H.Hüseynovanın sözlərinə görnə, bütün qərb dövlətlərində qadınları üçün sığınacaq mərkəzləri fəaliyyət gösərir və ailəsində, şəxsi həyatında problemlərlə üzləşən qadınlar ora üz tuturlar, müəyyən müddət yaşayıb psixoloji reabilitasiya keçdikdən sonra ailələrinə qayıdırlar. Həmin ölkələrdə sığınacaq evlərinə normal münasibət olduğu halda, Azərbaycanda isə buna mənfi münasibət göstərilir.