Azərbaycan, Bakı/ Trend müxbir S.İlhamqızı/ Fevralın 25-də Kanadanın Toronto şəhərində Xocalı soyqırımının ildönümü ilə bağlı etiraz aksiyası keçiriləcək. Bu barədə Ontario Azərbaycanlıları Cəmiyyətindən Trend ə məlumat verilib.
Aksiyada Azərbaycanın Xocalı şəhərində törədilmiş erməni vəhşiliyinə etirazlar bildiriləcək. Həmçinin Dünya Ana Dili Günü ilə əlaqədar İran hakimiyyətinin Cənubi Azərbaycanda ana dilini qadağan etməsinə, orada yaşayan milyonlarla azərbaycanlının milli, konstitusion hüquqlarının tapdanmasına etirazlar nümayiş etdiriləcək.
Etiraz aksiyası Torontodakı Ontario Parlamenti binasının qarşısında - "Queens Park"da keçiriləcək.
