Azərbaycan, Bakı / Trend müxbir Z.Səfərov/ "Xəzər" futbol klubu yaxın vaxtlarda belarusiyalı oyunçularla möhkəmlənə bilər.
Komanda Minskə seleksiyaçı məşqçi Bəxtiyar Musayevi göndərib. Musayev dünən keçirilən Belarus-İsrail yoldaşlıq görüşünü izləyib. Yaxın zamanlarda o komandanın baş məşqçisi Ağasəlim Mircavadovu maraqlandıran oyunçular barədə bütün məlumatları toplamalıdır ki, sonradan mümkün transferlər barədə danışıqlar aparılsın. Azərbaycan çempionatında transfer müddəti avqustun 31-dək uzadılıb və klub yeni futbolçuları sifariş vərəqəsinə sala bilər.
"Xəzər" ölkə birinciliyində uğurla start götürüb. Belə ki, komanda "Karvan" və "Masallı" komandaları ilə görüşdə müvafiq olaraq 1:0 və 3:0 hesabları ilə qələbə qazanıb.