London paralimpiyadasının su idmanı növlərində qazanılan gümüş medallar Azərbaycan üçün çox vacibdir
Azərbaycan, Bakı, 5 sentyabr /Trend, müxbir S.Əliyev/
Azərbaycanın paralimpiya yığmasının üzvü Natalya Pronina ölkədə olimpiya hərəkatının tarixində ilk dəfə olaraq su idmanı növlərində iki gümüş medal qazandı. Bu barədə çərşənbə günü Trend-ə hazırda Londonda olan Azərbaycan Üzgüçülük Federasiyasının prezidenti Xanlar Fətiyev bildirib.
Fətiyevin sözlərinə görə, gümüş medallar 100 və 200 metr məsafəyə üzmədə əldə edilib. O qeyd edib ki, bu, Azərbaycan üçün çox vacib nəticədir.
"Üzgüçülük Federasiyası bundan sonra da Azərbaycan olimpiyaçılarının daha böyük uğurlar qazanması üçün səylərini davam etdirəcək", - Fətiyev vurğulayıb.
