Azərbaycan, Bakı, 2 noyabr /Trend/
Bu gün Azərbaycan Premyer Liqasında XII turun növbəti oyunları keçirilib.
Trend-in məlumatına görə, turun mərkəzi görüşündə "Neftçi" "Xəzər Lənkəran"ı qəbul edib.
Matçda ilk qol birinci hissənin son dəqiqəsində bakılılardan gəlib - Bahodir Nasimov fərqlənib.
İkinci hissədə isə "qol yağışı" qeydə alınıb: Mahir Şükürov, 65-pen (2:0), Ernest Nfor, 90 (3:0), Etame Mbilla, 90+1 (3:1), Flavio, 90+2 (4:1)
Beləliklə, "Neftçi" 12 oyundan 25 xalla turnir cədvəlinin ilk pilləsinə yüksəlib.
Bakıda keçirilən digər oyunda isə "İnter" "Rəvan"ı 3:2 hesabı ilə məğlub edib.
Qeyd edək ki, 12-ci tura sabah keçiriləcək iki oyunla yekun vurulacaq.