Azərbaycan, Bakı, 15 sentyabr /Trend/
Azərbaycanın 19 yaşadək qızlardan ibarət yığma komandası Avropa çempionatının seçmə mərhələsi çərçivəsində Bakıda Danimarka ilə qarşılaşıb.
Trend-in məlumatına görə, Bayıl stadionunda keçirilən oyun rəqibin 3:0 hesablı qələbəsi ilə başa çatıb.
Millimiz ilk oyununda Ukrayna yığmasına da məğlub olmuşdu - 0:1.
Qızlarımız növbəti oyunu sentyabrın 18-də Kipr komandasına qarşı keçirəcəklər.
Qeyd edək ki, 19 yaşadək qızlardan ibarət komandalar arasında Avropa çempionatının seçmə mərhələsinin 2-ci qrupunun oyunları Bakıda keçirilir.